  
|
بلند ئيبراهـيم: هـهتا ڤاڤارتنهك د سهنديكا هـونهرمهندان دا نههـێته كرن بزااڤا هـونهري ل دهـۆكێ رێكا خوه يا درۆست وهرناگريت
2011-09-22
ديدار: رهوان نهـێلي:
ژمارا خوانداڤان: 15 
هـونهرمهند بلند ئيبراهـيم د ديدارهكێ دا دگهل ئهڤرۆ ديار كر كو وي 13 ستران بۆ بهرهـهمێ 2012 بهرهـهڤ كرينه، سهبارهت نهبهلاڤبوونا سترانێن وي كهنالێ كورهك دياركر كو چ سترانێن خوه نهداينه تهلهفزيونا كورهك ژبهر كو ئهڤ تهلهفزيونه جوداهـيێ دكهت و ل دۆر بزاڤا هـونهري ل دهـۆكێ دبێژيت:( تا ڤاڤارتنهك د سهنديكا هـونهرمهندان دا نههـێته كرن بزااڤا هـونهري ل دهـۆكێ رێكا خوه يا دروست ناگريت و نهيا رهوايه بۆ ماوێ 15 سالا بزاڤا هـونهري د دهستێن ئێك كهس يان كومهكا كهسێن دهستنيشانكري دابيت).
- بۆچي ته سترانا جارهكادي بۆ ناڤێ بهرهـهمێ خويێ 2010 هـهلبژارت؟ * سترانا جارهكادي ژبهر كو وهك بابهت و هـهست گهلهك نێزيكي من بوو، لهوا من هـهلبژارت و ديسا ژبهر كو ناڤهكێ كورته لهوما من هـهلبژارت چونكه ئهز حهز ژ ناڤێن درێژ بۆ ناڤو نيشانێن بهرهـهمي ناكهم. - رهخنه ل بهرهـهمێ تهيێ ڤێ دووماهـيێ هـاته گرتن، كو ته پهيڤێن ساده يێن هـهلبژارتي بۆ سترانێ، وهك سترانا تو چ سحري؟ *پهيڤێن سترانا تو چ سحري وهك خواندن راسته يا سادهيه، بهلێ رامانا وێ وهكو بابهت يا جانه، ئهڤ سترانه مه نێزيكي رهنگێ راپ موزيك يا چێكري و ئهڤ رهنگه دخازيته پهيڤێن ساده و ڤي رهنگێ موزيكێ جهماوهرهكێ مهزن يێ ل جيهـانێ هـهي. - بوچي پرانيا ئاوازێن بهرهـهمي ڤێ دووماهـيێ ته ب خۆ دانايي نه؟ *بێ گومان هـهكه هـندهك موزيك ژهنێن دي ئاوازا بدهنه من دێ گهلهك باشتر بيت، بهلێ ئاريشهيا من ئهوه تانوكه چ ئاوازێن ب دلێ من نهكهتينه بهر دهستێ من ژبهر كو پرانيا ئاواز دانهرا سهر شێوازێ كهڤن كار دكهن يان ئاوازێن وان تهقليدي نه، بهلێ دێ هـهول دهم هـندهكا ببينم. - ته د بهرهـهمێ 2010 دا چ سترانێن فلكلوري نهدورست كرن وهك سترانا تهيێن بهرێ (نايێ دهنايێ، وهي لو، كيا جانه)؟ *ب راستي جهماوهرێ من، گهلهك رهخنه ژ من گرتن، ب تايبهت يێن د تهمهنێ سهر 30 ساليێ دا، بهلێ ئهز سوزێ ددهمه وان بهرهـهمێ بهـێت سترانێن فلكلوري بئێخمه د بهرهـهمێ نوو دا. - بهرهـهمێ تهيێ 2008 ێ گهريانهك، سهعيد يهلدز ب كارێ موزيكێ راببو بوچي يێ 2010 ێ ته ب تنێ سێ ستران دانهڤێ؟ *دهمێ جارا ئێكێ من دگهل وي شول كري هـێشتا چ هـونهرمهندان ل دهڤ مه كار دگهل نهكربوو، مه پێكڤه كارێن جوان چێكرن بهلێ پشتي چهندين سترانبێژين دي قهستا وي كرين و دگهل كار كرين، من ديت ئهز پێدڤي گوهـۆرينێ مه، دا رهنگێ موزيكا خوه ديركهم ژ بهرهـهمێن تازه ئهڤێن دگهل سهعيدي كاركري و دبيت سالا بهـێت ب تنێ سترانهكێ ب دهمهڤێ ئهگهر رازي ببيت. - بوچي سترانێن ته ل تهلهفزيونا كورهك ناهـێنه خوار؟ * هـهڤبهستا من يا ئهڤ ساله دگهل vin پرودهكشن بۆ و مافێ بهرهـهمي وهك ستران و كليپ ب تنێ بۆ وان يێ پاراستي بوو و پێدڤيه ئهو بهرهـهمێ من ژ كومپانيا ڤين وهرگرن و خالا دوێ من خوه سترانێن خوه يێن كهڤن ژي نهداينه كورهك ژ بهركو تهلهڤزيونا كورهك جوداهـيێ د ناڤبهرا سترانبێژان دا دكهت لهوما بۆ من باشتره ل سهر شاشا كورهك نهدهركهڤم بهرامبهر وێ يهكێ كو حهفتيێ جارهكێ كليپهكا من داننه سهر شاشا خوه. - ئهڤ هـونهرمهندێن موزيك ژهن و سترانبێژ ئهڤێن پلا ئهندامهتيا كارا وهرگرتين، ب ديتنا ته هـهموو ل وێ ئاستێ نه بۆ ڤێ پلێ؟ * ب ديتنا من دڤێت ڤاڤارتنهك د ناڤبهرا پلێن هـونهرمهندان ل رێكخراوا هـونهرمهندان بهـێته كرن، بێ گومان هـهموو نه ل ئاستن ئهرێ، چێدبيت ئێكێ وهكو دلشاد محهمهد سهعيد ئهندامێ كارا بيت و ئێكێ دي يێ نه ل ئاست ژي ئهندامێ كارا بيت و هـهتا ڤاڤارتنهك دروست د سهنديكا هـونهرمهندان تايێ دهـۆك نههـێته كرن بزاڤا هـونهري ل باژێرێ دهـۆكێ رێكا خو يا دروست نابينيت و دێ چارهنڤيسێ مه د دهستێ كهسايهتيا دا بيت و بكهيڤا خوه مه ئينن و ببهن. - ديتنا ته چيه بۆ سترانبێژێن بياني دهمێ ريكلاما بۆ پرۆژهيێن بازرگاني يێن كوردستانێ دكهن؟ * من دو نێرين بۆ ڤي بابهتي هـهنه، يا ئێكێ پا پوزهتيڤه كو ئهو هـونهرمهندێن بياني ئهوێن قهستا هـهرێما كوردستانێ دكهن ب رهنگهكێ راستهوخو و نهراستهوخو ل وهلاتێن خوه دان پێدانێ ب رهوشا تهنايا كوردستانێ دكهن و دبيته ئهگهر كو پتر كومپانيێن بياني قهستا كوردستانێ بكهن و شارهزاي دورهـێلێ كوردستانێ ببن و خالا نهرێني ئهوه ئهڤ ديارهيه د راگههـاندنا كوردي دا ل سهر كيستێ هـونهرمهندێن كورد دهـێته كرن و ل ڤێره ئاستێ هـونهرمهندێن بياني د چاڤێن جهماوهرێ كوردي دا بلندتر لێ دكهن و ئهڤ كومپانيێن بازرگاني د بهرهـهڤن پارێن خهيالي بدهنه ڤان سترانبێژا، د دهمهكێ دا كو ئهڤ هـونهرمهندێن بياني ب تنێ بۆ بهرژهوهنديا خو يا ئابوري و مادي دهـێنه كوردستانێ نهكو هـند حهز ژ كوردستانێ دكهن، ب ديتنا من پێدڤيه وهزارهتا روشنبيري و جڤاتا بلندا سهنديكا هـونهرمهندان هـهلويستهك بهرامبهر ڤێ دياردا نێگهتيڤ هـهبيت و ب باوهرا من دشێن هـندهك مهرجا ب داننه سهر كومپانيێن بازرگاني كو د ريكلامێ دا بهراهـي بۆ هـونهرمهندێن كورد يێن هـهرێمێ بيت. - وهزارهتا روشنبيري يان حكوومهت چهند يا هـاريكاره ل گهل هـونهرمهندي دهمێ بهلاڤكرنا بهرهـهمي؟ * هـونهرمهندێن هـهولێرێ پتر ژ يێن دهـۆكێ مفاي ژ بۆدجا وهزارهتا روشنبيري دبينن و مه نموونه ژي گهلهك يێن هـهين، گهلهك هـونهرمهندان ئهز دنياسم بۆدجهكا مهزن بۆ بهرهـهمێن وان هـاتيه تهرخانكرن و هـندهك ژ وان ژبلي وهزارهتا روشنبيري هـاريكاري ژ حكوومهتێ ژي وهرگرتيه، مهرهما من ئهوه هـهكه تو ب چاڤهكێ دوور سهحكهيێ هـونهرمهندێن دهـۆكێ پله دوونه بهرامبهر يێن پايتهختي و ب ديتنا من گونههـا ڤێ چهندێ د كهڤيته ستۆيێ هـهر دو ئاليان، يێن مه ل دهـۆكێ و يێن هـهولێرێ ژي. - ئانكو رێڤهبهريا روشنبيري و هـونهري ل دهـۆكێ ب دروستي ب كارێ خۆ نارابيت؟ * ل دهستپێكێ رێڤهبهريا روشنبيري ب ئيدارا خۆ يا نوو ڤه گوهـارتنهك كر و سهنگهك دا دهزگههـێ رۆشنبيري ل دهـۆكێ، ب باوهرا من نهيا رهوايه بۆ ماوێ پتر ژ حهفت سالان دهزگايهك د دهستێ كهسهكي دابيت؟ بهلكو پێدڤيه رێك بۆ گهنجان بهـێته خۆشكرن، ژ بهر كو بهري رێڤهبهرێ روشنبيري و هـونهري ڤي پۆستي ژي وهربگريت بۆ ماوێ 8 سالان سهرۆكێ سهنديكا هـونهرمهندا تايێ دهـۆك بوو و ئهڤه پتر ژ حهفت سالانه ژي رێڤهبهرێ روشنبيري و هـونهري ل دهـۆكێ يه و يا ژمن ڤه نهيا رهوايه بۆ ماوێ 15 سالا بزاڤا هـونهري د دهستێن ئێك كهس يان كومهكا كهسێن دهستنيشانكري دابيت. - د بياڤێ شێوازێ ستران گوتنێ دا، تو نابيني هـندهك سترانبێژێن خهلكێ بههـدينان يێ تهقليدا ستايلێ ته دكهن؟ ئهڤ چهنده كارتێكرنێ ل ته ناكهت؟ * چهند سترانبێژێن باژارێ دهـۆكێ چاڤلێكرنا ستايلێ من يێ ستران گوتنێ دكهن، لێ چ كارتێكرنهكێ ل من ناكهن و ئهڤ چهنده سهركهفتنه بۆ من وهكو هـونهرمهند و سهركهفتنه بۆ رێكا من يا هـونهري و ئهگهر چاڤلێكرنا من بكهن باشتره چاڤلێكرنا سترانبێژهكێ تورك يان عهرهب بكهن، بهلێ تشتێ سهير ئهوه هـندهك ژ وان خوه ژ ئاستێ خوه بلندتر دبينن و ئهو خو ددانن خودانێن ڤي ستايلي. ئهو هـوزانڤان و موزيكژهنێن من ل گهل كار كري ئهو ژي دچن ل گهل وان كار دكهن و ئهڤه ژي بهلگهيهكا رۆهـنه كو يێ تهقليدا من دكهن. - ته نه ل بهره ستايلێ خۆ بگوهـۆري؟ *نه باوهرناكهم، دێ تا دهمهكێ نهديار ل سهر ڤي شێوازي بهردهوام بم. - دهنگ يان هـزرا چێكرنا سترانێ يان موزيك مهرجێن سهركهفتنا سترانبێژي نه؟ * بهري هـهر تشتهكي پێدڤيه سترانبێژ بزانيت دێ چ بێژيت و چ ل سهر دهنگي وي دهـێت، دهنگێ باش، ئاواز، هـوزان، موزيكهكا باش هـهموو مهرجن و پێكڤه د گرێداينه بۆ سهركهفتنا سترانبێژي. - بلند سهركهفتنا خوه د چ دا دبينيت؟ *ئهز هـهردهم هـهست ب ئازارێن گهنجان دكهم و ئهز دزانم دێ چ بۆ وان بێژم رهنگه ئهڤه ئهگهر بيت كو يێ سهركهفتي بم. - هـهتا كهنگي دێ بهردهواميێ ب كاروانێ ستران گوتنێ دهي؟ *ما ئهز پير بوويمه، برا حهتا سترانا بهـێلم رێك گهلهكا درێژه و ل دهف من، ژ نوو من يا دهستپێكري. -د بێژن بلندي ئهرشيفهكێ باش يێ سترانێن چێكري يێ هـهي؟ *ئهز بهرهـهمهكێ نائينمه خوار هـهكه بهرهـهمهكێ بهرهـهڤكري ديڤ دا نهبيت، بهلێ ئهز گهلهك گوهـارتنان د ئاواز و هـوزانان دا دكهم هـهتا دگههـمه ئهنجامێ دووماهـيێ. -هـندهك هـوزانڤان گازندا ژ بلندي دكهن كو گهلهك هـوزانێن وان ل دهڤ دمينن و چ بهرسڤا نادهتێ؟ *بهلێ راسته ئهگهر ژي ئهوه ئهز نهشێم بۆ بهرهـهمهكێ د ماوهيهكێ كورت دا بڕيارێ ل سهر 12 هـوزانا بدهم و تا هـژمارهكا هـوزانان ل دهڤ من كوم دبن، ئهز پاشي بڕيارێ ل سهر ددهم، راسته ئهو ژي د حهقن و ئهز ژي. * گازنده ژ بلندي دهـێته كرن كو بۆ دهزگههـێن راگههـاندنێ كێم د ئاخڤيت ؟ ئهگهر چنه؟ _راسته بهلێ هـهموو رۆژنامه و تهلهڤزيون و بهرنامه نه ل ئێك ئاستن و پێدڤيه هـونهرمهند بۆ هـهر جهـهكێ نهئاخڤيت، بۆ نموونه پێدڤيه مرۆڤ بۆ وي دهزگههـي باخڤيت يێ پتر رهواجا خۆ هـهي. -ئهگهر بلندي ستران نهگوتيان حهز دكر ل شينا سترانبێژ نوكه چ بايه؟ *نزانم من هـزر لێ نهكريه، يا ژ من ڤه ئهز بۆ كارێ هـونهري يێ هـاتيمه دروستكرن، بهلێ هـيوايهتا من، مهلهڤاني و خواندنا پهرتوكێن مێژوويي يێن كوردي يه. - پهيوهنديێن بلندي دگهل چ هـونهرمهند بهـێزن؟ * پهيوهنديێن من دگهل ماموستا سهمير زاخويي و كاروان كامل و عهبدولقههـار و محهمهد تههـا ئاكرهيي د بهردهوام و ب هـێزن. - بلند دچيته داوهتا ئهگهر پارهكێ باش بدهنێ. *ئهز گهلهك كێم دچمه داوهتا، دبيت هـهيڤێ ژ دو داوهتا نهبووريت، داوهت ژي رهنگه پرۆڤهكه بۆ سترانبێژي كو دهنگێ خو باشتر بكهت و ب رهنگهكێ ژي نێزيكي جهماوهرێ خو ببيت، بهلێ ب ديتنا من مرۆڤ بهردهوام بچيتێ بو كهسايهتيا هـونهرمهندي نهيا باشه. يێن هـهين كو ئهز بێ بهرامبهر د چمه داوهتێن وان هـهڤالن يان ژي هـهكه خێزانهكا هـهژار بيت، بهلێ هـهكه يێ زهنگين بيت ئهز بێ بهرامبهر ناچم. * ب رهنگهكێ گشتي تو تلهفونا ناراكهي و گازنده ژ ته دهـێنه كرن؟ - بههـرا پتر موبايلا من يا گرتي يه، بهلێ هـهر رۆژ بۆ چهند دهمژمێرا ئهز ڤهدكهم و ئهگهر ژمارهكا نهتوماركري بۆ من بهـێت ئهز ناراكهم ژ بهر كو ئهز حهز ژ موبايل و ئهنتهرنێتێ ناكهم و دو مێهـڤانێن زێدهنه ل مالا مروڤي و د مزعجن. -چ تشتهكێ نوو ل بهر دهستێ تهيه ؟ * من نوكه 13 ستران بۆ بهرهـهمێ 2012 يێن ئامادهكرين كو نههـ ژ وان ب زارێ باديني نه و سێ ژي ب زارێ سۆراني نه و سترانهكا باديني ب زارێ دهڤهرا شنگالێ يه. هـۆزان من ژ سهلمان شێخ مهمي و غهريب قادر و جهبار حهبيب و هـشيار رێكاني وهرگرتينه ل گهل دۆ هـوزانڤانێن دي كو نوكه نهشێم ناڤێن وان بێژم هـهتا بهرهـهم بهلاڤ دبيت، ئاواز ژي ئێك يا ماموستا محهمهد عومهره و يێن دي يێن من ب خۆ نه و چهند سترانهكان هـێشتا من بڕيارا دووماهـيێ نهدايه و دبيت بۆ ڤي بهرهـهمي هـهڤبهستێ ل گهل چو بهرهـهمان دروست نهكهم و ئهز ب خۆ ب بهرهـهمئينانا وێ راببم. - سرا وێ چهندێ چيه كو بهرهـهمێ ئهڤيني يێ سالا 1998 (يا ته ئهز هـێلايم و تو چووي و دهمێ زهنگا شهڤێ لێدا و پتريا وان) هـهتا نوكه هـهر بهرهـهمهكێ زيندي يه؟ * د وي سهردهمي دا ئهو هـهستێت من يێن تايبهت بوون، دبيت ئهو ببيته ئهگهر كو هـهتا نوكه جهماوهر يێ پێ ڤه گرێدايي بيت و بۆ بهرهـهمێ بهـێت من سترانهك ب وي شێوازي يێ ئامادهكري. |
   
|
